kiekies

Die gelukkige vissie

Vissie Ek is besig om voor te berei vir Strand-Noord gemeente se sending fokus en het toe 'n klein illustrasie geskep om die ongelyke verspreiding van die goeie nuus te demonstreer. Ek het die ding op "Thailand" gestel en dit was weer hart-in-die-keel om te besef hoe behoeftig die mooi land is.

Gaan kyk self.

02 Sep 2011 | , |

NTTV

'n Nuwe vertaling van die Thai Bybel

Op die oomblik help ek met die bladuitleg van 'n nuwe vertaling van die Bybel in Thai - New Thai Translation Version of NTTV.

In Thailand is daar 'n spesifieke taal, genaamd Rajasap, wat net gebruik word vir die koning om die hoogste mate van respek aan te toon. Die Christene het met die vertaling van die Bybel in Thai natuurlik ook hierdie spesiale koninklike taal gebruik vir die Koning van die konings. Ongelukkig is dit 'n taal wat nie baie algemeen gebruik word nie en word die vreemde boodskap van die Bybel hierdeur nou nog vreemder vir die algemene publiek. Die NTTV is 'n vertaling uit die oorspronklike Grieks en Hebreus, maar dit poog om meer alledaagse woorde en uitdrukkings te gebruik wat tog nog respek vir God aantoon.

Daar is 'n paar kundige Thai Christene (vertalers en proeflesers) wat die manuskripte vir my aanstuur en dan verwerk ek dit tegnies om gereed te wees vir die drukpers. Ek trek nou by Johannes 8.

Voorbeeld van Markus 15

07 Jun 2011 | , , |

Goeie boek

Ek het onlangs Patricia St. John se boek Breath of life : the story of the Ruanda Mission in 'n klein bibliotekie raakgeloop. Ek beveel dit aan vir almal wat 'n baie volledige insae wil hê in die ontstaan, verloop en na-draai van die Oos-Afrika herlewing rondom die middel van die vorige eeu. Dis almal, reg?

Vir my was elke hoofstuk fasineerend en soveel meer geseënd toe ek nog een Sondag vir Pacific hier in Bangkok raakloop. Hy is 'n jong Ruandees wat die genocide (my Afrikaans laat my hier in die steek) oorleef het. Hy is baie naby aan die dorpie waar die herlewing begin het gebore.

10 Jun 2010 | | Een opmerking

Noodtoestand in Bangkok

Soos baie van julle seker weet, heers daar sedert Donderdag 'n noodtoestand in Bangkok terwyl die regering probeer om die rooi-hemp protesteerders uit die Bangkok middestad te verwyder. Van al die OMFers woon ons die naaste aan die "war-zone" hier in Bangkok en ons kry baie navrae oor ons veiligheid. Ons wil daarom sommer vir almal op hoogte bring van die situasie.

rooihemde

Foto: Sydney Morning Herald

Meer hieroor...

Obsessie met die internet

Volgens 'n studie deur McKinsey Quarterly, het die aantal internet gebruikers in China teen die einde van 2009 toegeneem tot 384 miljoen - meer as die totale bevolking van die VSA. Dit is 'n toename van omtrent 50 persent sedert 2008. In die 60 grootste stede spandeer Chinese omtrent 70 persent van hulle vrye tyd op die internet

Ek dink die persentasies is waarskynlik baie dieselfde vir Thailand. Danksy die ongelooflike duur internetfooie in Suid-Afrika is ons dalk net-net nog die land van boerewors en rugby en nie die land van twitter en facebook soos die res van die wêreld nie.

In reaksie hierop is daar bewegings soos die Sabbath Manifesto en die "National day of unplugging"

28 Apr 2010 | |

Oor die gedrukte media

Marten Visser is een van ons kollegas wat in Isaan 'n span kerkplanters lei. Isaan? Ummm... dis nou die noord oostelike deel van Thailand. Hulle span het 'n oulike blog en een van sy jongste stories is The importance of printed media.

"In my research how people come to the Lord in Thailand, I also looked at the role of the various media. That gave rise to some surprises..."  Gaan kyk gerus.

22 Apr 2010 | , |

Anguish Languish

Het nou die dag weer afgekom op hierdie weergawe van Rooikappie in Anguish Languish. Marna en ek het dit die eerste keer raakgeloop in die Brewster kursus tydens ons Bybelskool dae.

Geniet dit!

Manna

MannaOntmoet vir Manna. Sy is die jongste toevoeging tot ons span hier by Kanok Bannasan. Ons het al dikwels 'n noodoproep gedoen en mense gevra om ons te help bid vir nog redigeerders en Manna is nou so 'n antwoord op gebed.

Deur haar interessante werk by 'n Internasionale Bemarkingsagentskap te bedank en by ons spannetjie aan te sluit, moes sy twee derdes van haar salaris prysgee. Sy werk al omtrent twee maande by ons en dit lyk nie of sy spyt is nie. Mag die Here haar gehoorsaamheid seën.

02 Apr 2010 | |